ПОПЛАВИ: Почна евакуацијата на Карловац, потребна е целата возможна помош

Добивај вести на Viber

Хрватскиот град Карловац и Штабот за одбрана од поплави ги повикаа сите граѓани кои се во можност да се вклучат во акцијата за одбрана од водената стихија која му се заканува на градот. Според последните информации, водостојот на реката Корана толку брзо расте, што е потребна целата возможна помош. Делови од градот се сериозно загрозени, заради што утрово се огласија и предупредувачки сирени за тревога и подготовка за евакуација. „Постојат делови од градот кои едноставно не можат да се бранат, па жените, децата и постарите ица мора да се евакуираат, бидејќи доаѓа незапаметено висока вода, 50 сантиметри повисока отколку што беше во февруари годинава, кога беа поплавени повеќе стотици куќи“, вели градоначалникот Дамир Јелиќ. Три основни училишта се подготвуваат да ги прифатат евакуираните. Од рано утрово во критичните населби се спроведуваат активности за преместување на материјалните добра и болните и неподвижните лица на повисоките катови од објектите. Двете реки, Корана и Купа, се во постојан пораст на водостојот и во моментот се наоѓаат на водостој од околу 808 сантиметри.