Поповите и оџите „должни како грчка“

Добивај вести на Viber

Директорот на Фондот за пензиско и инвалидско осигурување, Беким Незири информираше дека оџите должат 86 милиони денари, а поповите должат 69 на ПИОМ за неплатени придонеси. -На Фондот за пензиско и инвалидско осигурување, на основа на неплатени придонеси субјектите му должат негде околу 10,8 милијарди денари. Во оваа цифра влегуваат сите правни и други супбјекти, трговци поединци, земјоделци, оџи и попови“, рече Незири. Тој ја најави законската измена со која сите оние кои до 31.12.2008 година не ги подмириле своите обврски за придонеси, ќе може до 31-ви мај да аплициираат за отпишување на каматата, со што ќе треба да ја платата само основната главнина. Незири појасни дека Исламската верска заедница и Македонската православна црква не должат, туку тие долгови се однесуваат само на оџите и поповите како физички лица. По основ на неплатени придонеси за пензиско и инвалидско осигурување до 31-ви декември 2008 година, фондот има побарување од вкупно 25.619 обврзници во вкупен износ од над 10 милијарди денари, од кои 5.784 се свештени лица, индивидуални земјоделци, адвокати, таксисти од кои Фондот побарува 1,294.870.045 денари, додека 19.835 обврзници се правни лица со вкупен долг кон Фондот од 8.796.942.994 денари