Поради исплата на пензии за починати лица, Грција губела 320 милиони евра годишно
Објавено во: Балкан 26 Декември, 2012
Јанис Вруцис, грчкиот министер за труд треба да им достави на обвинителите податоци за речиси 46 илјади лица, кои незаконски добивале пензии и други социјални додатоци, пишува весникот „Катимерини“.
Весникот потсетува дека списокот со 45.997 имиња бил направен по серијата истраги спроведени изминативе месеци. Во текот на истрагите е утврдено дека илјадници пензии и социјална помош биле исплаќани на починати лица.Таквите измами државата ја чинеле 320 милиони евра годишно, пишува „Катимерини“.