ПОРАСНАЛО ИНДУСТРИСКОТО ПРОИЗВОДСТВО: ВМРО-ДПМНЕ обвинува дека растот доживеал фијаско
Објавено во: Економија 29 Септември, 2019
Раст на индустриското производство од скоро 10 проценти имало за една година, но опозицијата не се сложува со ова.
Раст од 9,8 отсто на индустриското прозводство за една година, покажуваат податоците на статистика за август годинава споредено со истиот месец минатата година. Ако се земе в предвид за периодот јануари-август годинава, споредено со истиот период лани, растот е 5,5 проценти на индустриското производство. Вицепремиерот Кочо Анѓушев, вели дека токму овие податоци покажуваат дека економијата во Македонија е стабилна и дека ќе остане така и во наредниот период.
„Според последните официјални податоци на Државниот завод за статистика, стапката на раст на индустриското производство во преработувачката индустрија за периодот јануари – август 2019 година изнесува 2.4%. Ако го земеме во предвид фактот дека стапката на раст на индустриското производство во преработувачката индустрија во истиот период лани е 7.2% може да констатираме дека има значително забавување на економската активноста во овој сектор. Дополнително, додадената вредност на преработувачката индустрија во вториот квартал годинава имаше негативна стапка од – 2.2% што само ја потврдува констатацијата за лошите перформанси на најважниот сектор во економијата. Ова е само потврда дека економските политики на оваа Влада се неефикасни и дека планот за економски раст е тотално промашен!“, ова е Фејсбук статусот на комисијата за економија на ВМРО-ДПМНЕ.
Според нив, ќе имаме лоша економска година.