Посета на „Тигрите“ му донесе тешки обвинувања на ДУИ
Објавено во: Анализа 24 Октомври, 2017 08:02
Во албанскиот политички блок во Македонија се води многу пожестока битка помеѓу двете најсилни струи, односно меѓу коалицијата БЕСА и Алијанса за Албанците и ДУИ. Најнови тактики на коалицијата против Ахмети е да се прикаже како „слуга“ на СДСМ и дека се покорил на нивните политики без притоа да кажат дека Села, Таравари, Касами и останатите или се дел од Владата или се дел од мнозинството во Собранието и заеднички носат одлуки со премиерот Заев.
Најнов „скандал“ според приврзаниците на коалицијата меѓу БЕСА и Алијансата е посетата на заменик министерот Нухуу кој заедно со повеќе високи полициски функционери Албанци го посетија музејот на паднатите борци на специјалната полициска единица „Тигри“.
Нихиу и полициските функционери кои се дел од ДУИ заедно со министерот за внатрешни работи Оливер Спасовски го посетија музејот па токму тоа за тврдокорните Албанци било голем проблем и наводно предавање на идеалите на УЧК кои Ахмет дал завет дека ќе ги застапува.
Тешки небулози и ширење на безобразен национализам, па дури се споменува и Диво Насеље каде учествуваа Тигрите. Да ги потсетимеа албанските националисти дека таму загинаа 9 припадници на МВР од кои не сите беа членови на специјалната единица и не сите беа етнички Македонци, но очигледно во екот на кампањата може да се спуштат сите стандарди и да се употребат сите ниски удари за дискредитација на политичкиот противник.
Нихиу исто така да потсетиме дека беше еден од клучните актери кој на Крвавиот четврток со група на специјалци од кои голем дел и од „Тигрите“ кои му одговорија на неговата команда, а не на Митко Чавков шефот на оперативниот штаб, успеа да издејствува полициска акција за евакуација на нападнатите и повредени пратеници и новинари и да спречи поголемо крвопролевање, но очигледно националистите го заборавија овој факт за екс министерот и актуелен заменик министер за внатрешни работи.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
