Поставете си го ова прашање пред да прифатите нова работа!

Добивај вести на Viber

Добивте попримамлива понуда за работа? Не брзајте да ја прифатите. Прво што треба да направите е да си поставите едно прашање - со што ова работно место е различно од сите други?

Така барем смета Адам Грант - професор по менаџмент во училиштето "Вартон" на Универзитетот на Пенсилванија и автор на книгата "Originals", која претстои да излезе на американскиот пазар. Во својот напис во „The New York Times“, тој пишува:

"Културата на вашето работно место ќе има огромен ефект врз вашата среќа и успех, па затоа е важно да проучите какви вредности, норми и практики има компанијата, пред да ја прифатите новата работа во неа."

Според него, одговорот може да биде добиен во форма на приказна. "Замолете ги луѓето да ви раскажат приказна за нешто што се случило во компанијата и не се случило никаде на друго место", советува професорот.

Тој дополнува дека при толкувањето на чуени приказни е од клучно значење да ставиме акцент на активностите на луѓето, бидејќи принципите и вредностите се манифестираат преку нив. Во секоја приказна треба да се набљудуваат три работи: каква "правда" и праведност се применуваат на работното место, колку има безбедност во него и заштита на вработените, каква контрола имаат луѓето врз судбината на компанијата и дали им се дава можност да и влијаат на добро преку идеите и работата.