ПОТПРОСЕЧНИ ТЕМПЕРАТУРИ: Очекувајте пообилни врнежи од дожд

Добивај вести на Viber

Под влијание на поголем влажен бран од Медитеранотденес во Македонија ќе има повремени врнежи од дожд, особено во западните  и во југозападните предели каде тие ќе бидат пообилни а утре (петок 17 октомври) во текот на денот врнежите ќе се прошират и на другите места како и во Скопје  и околината и повремено ќе бидат со умерен интензитет, вели метеорологот Славчо Попоски.

„Поради продорот на поладен воздух од североисток, на високите планини (над 2000 метри надморска височина) ќе има услови за повремен снег.

Локално за време на овој влажен бран ќе наврне позначително количество на воден талог (во западните  и во југозападните предели од нашата Македонија над 20 литри на метар квадратен дожд). Ќе дува слаб до умерен ветер кој повремено ќе засилува на интензитет и тој ќе биде од југоисточен правец долж Повардарието а во западните предели ветерот ќе биде од источен и од североисточен правец.

Што се однесува до температурите тие ќе бидат под просекот за овој период од годината и утре наутро температурите ќе се спуштаат во интервалот од 7 до 13 степени, во Скопје до околу 12 степени а максималните дневни температури ќе се искачуваат во интервалот од 9 до 15 степени, во Скопје таа ќе се искачи до околу 13 степени“, вели тој.

Фото.Пиксабеј