Повикувал на насилство на Фејсбук, полицијата му го одзеде мобилниот
Објавено во: Македонија 01 Август, 2019
Полицијата му одзеде мобилниот телефон на лицето В.Ч. (51) откако повикувал на насилство на социјалната мрежа Фејсбук, соопшти МВР.
Секторот за компјутерски криминал и дигитална форензика до надлежното јавно обвинителство ќе поднесе кривична пријава за загрозување на сигурност и „Ширење на расистички и ксенофобичен материјал по пат на компјутерски систем“.
„В.Ч. вчера беше повикан во ПС Чаир и од него е одземен мобилен телефон. Секторот за компјутерски криминал и дигитална форензика и понатаму ќе продолжи со активностите со цел санкционирање на ваквите случаи. Ги повикуваме сите граѓани кои се изложени на вакви закани или сведочат вакви закани, истите да ги пријават во најблиската полициска станица или на адресата cybercrime@moi.gov.mk“, се вели во известувањето.