Повредени две момчиња откако со мопед на четири тркала удриле во ѕид од куќа
Објавено во: Македонија 18 Март, 2018
Во сообраќајна несреќа што се случила синоќа во селото Беловиште, Гостиварско, две момчиња се здобиле со повреди, од кои едното со потешки скршеници.
18 годишниот С.С кој управувал со нерегистриран мопед на четири тркала по локален, пат изгубил контрола над возилото по што удриле во ѕид од куќа.
Според првичните информации од увидот, возачот немал возачка дозвола, а брзината со која се движел четирициклот не била прилагодена. Од силината на ударот, заедно со совозачот и возилото се превртеле.
Веднаш по несреќата, двете момчиња се однесени во гостиварската болница, по што совозачот 18- годишниот М.Р бил задржан, а возачот, С.С. заради тежината на повредите бил префрлен на скопските клиники.
На местото на несреќата извршен е увид од страна на полициската екипа, а причините и околностите на несреќата дополнително ќе се утврдуваат.