ПОВТОРНО НЕМИРИ ЗА ДОЧЕКОТ НА НОВА ГОДИНА ВО БЕРЛИН: „Пукаа во се што мрда“ - стотици уапсени, повредени полицајци ВИДЕО
Објавено во: Свет 01 Јануари, 2024
Минатогодишното сценарио се повтори во Берлин. За дочекот на Новата година избувнаа немири во кои бунтовниците користеа петарди и ракети за огномет. Берлинската полиција извести за серија напади врз припадници на итната помош, како и врз обични граѓани.
Најмалку 15 полицајци се повредени во напади со огномет низ градот, а околу 300 демонстранти се уапсени, многумина поради прекршување на Законот за експлозиви, пишува Билд.
Иако полицијата го идентификуваше Нојколн, еден од 12-те берлински области, како најголемо жариште пред настанот, работите се покажаа поинакви. Областа пред Црвеното градско собрание на Александарплац стана место на меѓусебни конфликти. Околу 500 луѓе, главно млади луѓе, меѓусебно се нападнаа со петарди и ракети кои ги испукаа директно во толпата.
Нападнати биле и полицајци, а евидентирани се и неколку апсења. Полицијата ја растури групата кај познатата фонтана Нептун и почна да проверува чиј е огнометот, по што група од 200 луѓе почнаа да пукаат со пиротехнички средства кон полицијата.Chaos in Berlin as fireworks are being shot on everything that is moving.
— Visegrád 24 (@visegrad24) January 1, 2024
This now happens every New Year’s Eve
Via @rubnpulido
pic.twitter.com/VCVqTeJjra
Немири избувнаа и во Лихтенраде, јужно предградие на Берлин. „Се шпекулира дека пукале во сè што мрда“, напиша полицијата на X, порано познат како Твитер. Од страна на полициски службеници на лице место биле легитимирани 18 лица и кај нив биле пронајдени нелегални пиротехнички средства. Инаку, токму во Лихтенраде минатата година на новогодишната ноќ беа забележани најжестоките немири.
In Berlin Neukölln, rioters ignite scooters, using them as street barricades. Over 200 arrests reported on New Year's Eve amid escalating unrest. #BerlinRiots #NewYearsEve pic.twitter.com/5tlRLmJqoz
— ChroniBuzz (@liv59224) January 1, 2024
Барикади направени од дрвени палети беа запалени на Sonnenallee во Нојкелн, но полицијата набрзо ги отстрани. Полицијата ги растера противниците на Израел кои спонтано се собраа да извикуваат антиизраелски слогани. „Ова е Нојколн, Германија е некаде на друго место“, изјави еден од учесниците во немирите за новинарот на Билд.
Околу 2 часот по полноќ било погодено возило на Брза помош од пиротехничко средство, но за среќа се поминало без поголеми последици. Исто така, во Нојкелн, полицијата пронашла кеш полн со готови молотови коктели за употреба. Парчињата ткаенина веќе беа во шишињата.
Фото: Принтскрин/Твитер