Повторно поради болест одложено рочиштето за „апсењето на Љубе“
Објавено во: Македонија 13 Јуни, 2018
Рочиштето за случајот „Тортура“ денеска повторно беше одложено поради болест на обвинетиот Филип Атанасов, за кој одбраната достави писмена лекарска потврда, иако на истото се појави првообвинетиот Сашо Мијалков. Минатото рочиште беше одложено поради болест на обвинетиот Новица Станковски.
На рочиштето присуствуваше оштетениот Љубе Бошкоски, првообвинетиот Сашо Мијалков како и обвинетите Новица Станковски, Петар Милошевски и Јован Гоцевски.
Расправата е одложена за 9 јули.
Обвинетите во овој случај се гонат од страна на Специјалното јавно обвинителство за извршена тортутра при приведувањето на лидерот на партијата Обединети за Македонија, Љубе Бошкоски.