Пожар во два социјални стана во кои живеат малолетни деца
Објавено во: Македонија 30 Јули, 2019
Два социјални стана во кои живеат семејства со малолетни деца се запалиле во Берово, објави МИА, а жртви нема благодарение на присебноста на пожарникарите и полициските службеници кои спасиле вистинска катастрофа.
Малолетните дечиња навреме се извлечени од нивните домови, а семејствата преноќиле во околните објекти поради тоа што не постојат услови да се вратат назад.
-Страшно беше овде во неделата, се спасуваше жива глава во домот на Шехерзад Арифовска и Сенад Чиндаровски. Поради тоа што мораше итно да се реагира и два други стана се оштетени. Среќа што се спасија дечињата, вели нивната сосетка, Мерлина Зекировска.
Службите испитуваат која е причината за пожарот, додека станарите претпоставуваат дека станува збор за неисправна инсталација. Од Општина Берово е најавена помош за семејствата Арифовски и Чиндаровски, но дополнително ќе излезат со соопштение.