ПОЖАРИТЕ ВО ТУРЦИЈА ЗАФАТИЈА ПЕТ ГОЛЕМИ ГРАДА, ДУРИ И ИЗМИР: Повредени пожарникари, полицајци и граѓани, пожари има и во Словенија

Добивај вести на Viber

Во Турција се води голема борба против пожарите кои ги зафатија провинциите и градовите Измир, Ајдин, Болу, Мугла и Маниса. Турското Министерство за здравство соопшти дека во пожарите досега се повредени 78 лица, меѓу кои и пожарникари и полицајци, а откако огнената стихија се прошири и во градовите, властите наредија итна евакуација. Се иселија повеќе од 4.000 жители од најкризните подрачја.

- More images of the serious forest fires that hit several settlements in the province of Izmir, Turkey, today, including the surroundings of Izmir itself.

Attempts to stop the fires have so far been unsuccessful and mass evacuations are taking place in the region. pic.twitter.com/PSqgvaTrQH

—The Informant (@theinformant_x) August 16, 2024

Според последните податоци, во акцијата за гаснење учествуваат дури 90 авиони, речиси 5.000 луѓе и над 1.200 возила.

Пожар и во Словенија, се приближува до прашумата Крокар заштитена од УНЕСКО

Истовремено, голем пожар има и во Словенија, најверојатно предизвикан од гром. Избуванал во близина на селото Боровец кај Кочевска Река на југот на Словенија и почналзабрзано да се шири.

Управата за цивилна заштита и помош во вонредни состојби соопшти дека пожарот се уште е надвор од контрола.

Na območju Borovca pri Kočevski Reki trenutno poteka obsežno gašenje požara, ki se je zaradi močnega vetra včeraj razširil na več kot 30 hektarjev težko dostopnega in prepadnega gozdnatega območja. V gašenju sodelujejo air tractor in @Slovenskavojska. 1/2 pic.twitter.com/Ti8rM7F73Y

— Uprava RS za zaščito in reševanje (@URS_ZR) August 17, 2024

Според извештајот на порталот ММЦ, пожарот е многу блиску до прашумата Крокар, која е под заштита на УНЕСКО од 2017 година. Агенцијата СТА известува за напорите за гаснење на пожарот, во кој беа вклучени хеликоптер и ер-трактор.

Напорите за гаснење на пожарот продолжија и денеска, а локалните жители ги повикаа властите да испратат повеќе пожарникари поради сериозноста на ситуацијата на опасниот и непристапен терен.

Удар на гром како можна причина за пожар

Според соопштението на полициската управа во Љубљана, пожарот најверојатно бил предизвикан од удар на гром.