Познат генетичар му го враќа орденот на Вучиќ: Режим што ја тепа сопствената интелигенција ја сече гранката на која седи

Добивај вести на Viber

Д-р Миодраг Грбиќ, светски познат научник и генетичар, го враќа Орденот на Караѓорѓевата ѕвезда, втор степен, кој му го додели претседателот на Србија, Александар Вучиќ по повод Денот на државноста минатата година. 

Тој го враќа орденот во знак на протест против политиката што државата Србија ја спроведува кон Универзитетот во Белград. Ова, тој верува, е негов чин на солидарност со професорите и студентите.

„Го враќам одликувањето од солидарност со универзитетските професори на кои со декрет им беше одземено правото на научна работа. Го добив одликувањето – не за држење предавања, туку за научна работа и резултатите што ги постигнавме. Укинувањето на правото на научна работа е огромен удар врз образованието, универзитетот и иднината на оваа земја. Ние сме во 21 век, векот на економијата на знаење и периодот на технолошкиот феудализам. Земјите што немаат добра наука, научни истражувања и образование се осудени на технолошко ропство“, истакна тој. 

Научникот додаде дека на ситуацијата во Србија гледа со „благ ужас“.

„Режим што ја удира сопствената интелигенција всушност ја сече гранката на која седи“, верува тој. 

Грбиќ додаде дека му е неверојатно што е донесена таква регулатива што ги спречува истражувачите да работат научна работа. 

Во Србија имаше масовни протести, нереди, а полицијата уапси повеќе луѓе. 

Српскиот претседател Александар Вучиќ од Шпанија порача дека не е во бегство.