Познат идентитетот на учесниците во сообраќајката кај Рампа, судир на „мерцедес“ и „хјундаи“
Објавено во: Македонија 19 Јануари, 2023
МВР објави детали за сообраќајната несреќа која се случи синоќа кај скопската населба Стара Рампа во Кисела Вода.
Од настанот имаше и видео снимки на кои се гледа штететата што ја претрпеле двете возила кои учествувале во несреќата. На самото место на несреќата интервенираа екипите на МВР и Брзата помош.
„Синоќа во 22:00 часот било пријавено дека во Скопје, на крстосницата од бул.„Борис Трајковски“ и ул.„Македонија“, на место викано „Рампа“, се случила сообраќајна несреќа помеѓу патничко возило „мерцедес“, управувано од Д.Д.(41) од Скопје и патничко возило „хјундаи“, управувано од З.М.(48) од Скопје, двете со скопски регистарски ознаки“, објави полицијата.
Во несреќата со тешки телесни повреди се здобил З.М., констатирани во Комплексот клиники „Мајка Тереза“, а со телесни повреди се здобил Д.Д., констатирани во Градската општа болница „Св.Наум Охридски“. Извршен бил увид од увидна екипа од СВР Скопје.