Позната фирмата која ќе ги снабдува земјоделците со зелена нафта
Објавено во: Агробизнис 09 Јули, 2019
Агенција за финансиска поддршка во земјоделството и руралниот развој го објави името на економскиот оператор кој го добил тендeрот за набавка на „зелена нафта“ на земјоделците. Од агенцијата велат дека операторот „Макпетрол акционерско друштво за промет со нафта и нафтени деривати Скопје“ ги исполнил сите услови согласно барањата во тендерската документација.
„Од интернет стрaницата на ЕСЈН,седум економски оператори подигнале тендерска документација а до Агенцијата преку електронскиот систем беше доставена само една понуда за набавка на дизел гориво за земјоделска механизација. Отворањето на понудите беше на 12.06.2019 година“, пишува агенцијата во одговорите до Фактор.
На 03 јули годинава операторот „Макпетрол“ е известен дека е избран за најповолен понудувач,а во постапка е и склучувањето на договорот за набавка на гориво за земјоделска механизација, соопштија од АФПЗРР.
Инаку пред неколку дена директорот на платежната агенцијата,Николче Бабовски, објави дека тендерот за набавка на „Зелена нафта“ за земјоделска механизација на земјоделците е во вредност од 200 милиони денари. Тој исто така посочи дека до крајот на тековниот месец се очекува да се распределат и првите платежни картички до земјоделците.
Со оваа мерка се очекува да им се намали за 30 отсто трошокот за гориво на земјоделците.
Н.М.* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
