ПРАЌАЛ ПАРИ И ОРУЖЈЕ: Kaкви штети ќе трпи Хамас поради ликвидацијата на Салех ал-Ароури?
Објавено во: Свет 04 Јануари, 2024
Ликвидацијата на Салех ал-Ароури, врвен лидер на палестинската терористичка група Хамас, ја лишува милитантната група од еден од нејзините највешти тактичари. Салех ал-Арури, беше убиен во напад со беспилотно летало во Бејрут во Либан. Како што велат аналитичарите, тој помогнал да испраќа пари и оружје до оперативците на Хамас во Појасот Газа и на други места на Блискиот Исток. Според нив, тој поцврсто ја интегрирал групата во иранската мрежа на сили посветени на борбата против Израел.
Израел не презеде одговорност за неговото убиство. Американскиот државен секретар Ентони Блинкен денеска ќе се упати на Блискиот Исток бидејќи се зголемуваат стравувањата дека израелската војна во Газа ќе се прошири на целиот регион, по смртоносните експлозии во Иран и атентатот на лидерот на Хамас во Либан. Хамас на 7 октомври лани изврши напади на Израел, а потоа во операцијата на израелската армија во Газа загинаа најмалку 22.000 Палестинци.