Пратениците в понеделник ќе ја продолжат конститутивната седница
Објавено во: Македонија 06 Април, 2017
Во Собранието конститутивната седница ќе продолжи во понеделник во 11 часот.
По неколку паузи кои ги даде претседавачот Трајко Вељаноски за пратениците да се договорат да не бараат „процедурално“ и „реплика“ , седницата продолжи со забелешки и контрареплики.
Пратеникот Оливер Спасовски од СДСМ побара Вељаноски расправата да премине на наредната точка од дневниот ред. Спасовски вели дека ова е овозможено согласно членот 79 став 2 од Деловникот за работа на Собранието.
„Наместо да се испочитува Деловникот и претседавачот со седницата да го стави овој предлог на гласање, заради тоа што во Деловникот, во оваа одредба јасно и прецизно стои дека без расправа се преминува на гласање, уште еднаш Трајко Вељаноски покажа како на најгруб начин се крши Деловникот на Собранието и се узурпира позицијата на претседавач на конститутивната седница“- изјави Спасовски.
Пратеникот Илија Димовски од ВМРО-ДПМНЕ апелираше да се намали тензијата, да се почитува процедурата, и да не се одзема правото на никого.
Пратениците на ВМРО-ДПМНЕ сметаат дека намерата да се одземе збор на пратеник е класично политичко насилство и обид за државен удар.
Конститутивната собраниска седница продолжува со денови. Таа почна на 30 декември 2016 година, но беше прекината, затоа што не беше обезбедено парламентарно мнозинство за избор на претседател на Законодавниот дом. Претходните денови поминаа во меѓусебни обвинувања меѓу пратениците од ВМРО-ДПМНЕ и СДСМ.
Можеби ќе ве интересира
ЈОВАНА МОЈСОСКА: Условно кажано, еден пратеник на Левица вреди 11.000, а на ДУИ 7.200 гласа, така нѐ краде изборниот модел
„НАШИОТ БОРЕЦ БОШКО ВЕ ПОЗДРАВУВА СИТЕ, СÈ ПОБЛИСКУ СМЕ ДО ЦЕЛТА“ - д-р Лазаров со апел до хуманите граѓани
Апасиев: Добро е за државата ДУИ да оди во опозиција, но овие кои доаѓаат се уште полоши
ОБВИНИТЕЛСТВОТО ЌЕ ПРОВЕРУВА: Дали има кривично дело во случајот со затворените сали на Клинички
„ВО РАМКИТЕ НА ЕВРОПСКИОТ ФРОНТ, ДУИ УЧЕСТВУВА СО САМО ОСУМ ПРАТЕНИЦИ“ - Џевдет Хајредини повторно жесток кон партијата
ПАДНА СРЕДБА МЕЃУ ЗНАМ И ВМРО-ДПМНЕ: Еве за што се разговарало
ЕВЕ КАДЕ ПОПЛАДНЕВО НЕВРЕМЕ НАПРАВИ ХАОС: Улиците беа под вода
И ЈУНИ МЕСЕЦ ЌЕ БИДЕ НЕСТАБИЛЕН, СО ВРЕМЕНСКИ НЕПОГОДИ: Попоски излезе со месечна прогноза
ЦУК: Во тек акција за пронаоѓање и извлекување залутани лица со малолетно седумгодишно дете на опасно стрмно место меѓу с.Кожле и Велес
