Пратениците од Власта ќе гласаат за поевтина струја и парно?

Добивај вести на Viber

Дали пратениците од власта ќе гласаат за поевтина струја и парно? Активистите на Аман сметаат дека нивните барања се скромни, бараат само враќање на дневната ефтина тарифа за струјата и да не им се наплаќа парното на оние што не го користат. - Свесни сме дека предавањето на потписите за промена на законот за енергетика се случува во специфичен миг, во услови на наруштена парламентрана демократија. Сепак, одговорноста на „Аман“ е кон оние 13.000 граѓани кои ги дадоа потписите. Затоа ќе ги предадеме предлог-законот и потписите во овој Парламент, таков каков што е без опозицијата – изјави вчера Петрит Сарачини, активист на Аман. Денеска од 14 часот граѓанската иницијатива Аман пред спомен куќата на Мајка Тереза ќе почне со последниот протестен марш, кој ќе заврши пред Собранието на Република Македонија со предавање на 13.000 потписи собрани од граѓаните за промена за Законот за енергетика. Нивните активности нема да запрат, како што рекоа, дел од барањата дефинирани на почетокот на протестот лани не се исполнети. Нивното ангажирање ќе биде преку други форми, но и вакви и слични иницијативи. За да се оствари поевтинувањето пратениците од владејачката коалиција ќе мора да гласаат за измените на законот за енергетика, кои ги предлага АМАН.