Пред почеток на летото,Хрватска најавува поскапување на билетите за траекти

Добивај вести на Viber

Жупанот на Дубровачко-неретванската област Никола Доброславиќ, заедно со пратеникот на ХДЗ Бранко Бачиќ, денеска ја повикаа Владата да го одбие предлогот на Агенцијата за поморски транспорт за  покачување на цената на билетите за траектите. „Ова го сметаме за неприфатливо бидејќи не постои валидна причина за зголемувањето на цената на билетите особено во време кога цените на горивото се за 10 отсто пониски отколку што беа минатата година во мај, па на владатате сега и недостигаат 35 милиони куни за пополнување на дупката во буџетот за овој превоз“, истакна  Бачиќ на прес-конференција во Дубровник. Бачиќ посочува дека е погрешно да се продолжи со оваа политика на Владата кон хрватските острови, бидејќи додека се зголемува цената за транспорт кон островите, владата купува 1742 нови автомобили во вредноста од 260 милиони куни. Доброславиќ пак уште еднаш повторо дека владата не ги разбира проблемите со кои се соочуваат хрватските острови.