ПРЕДИЗБОРНИ ТРОШЕЊА: За месец и пол – буџетски дефицит од 141 милион евра!

Добивај вести на Viber

Отплата на автобуси, амбулантни возила, штети од елементарни непогоди. Од почетокот на годината до 14 февруари државата потрошила вкупно 386 милиони евра, додека во буџетската каса за овој период се слеале 245 милиони евра, како вкупни буџетски приходи. Податоците за државните трошења во овој период од месец и половина, се дел од Предизборниот финансиски извештај на Министерството за финансии, кое е обврзано да ги објави податоците за трошењата во периодот од распишување на изборите до нивното завршување. Рати за автобуси, амбулантни возила, отштети, градежни договори – за помал период потрошени повеќе пари!   Од почетокот на годинава до 14 февруари во државната каса вкупните буџетски приходи изнесуваат скоро 245 милиони евра. Во истиот период државата потрошила 386 милиони евра, при што буџетскиот дефицит изнесува 141 милион евра. Бидејќи станува збор за податоци кои се однесуваат за период од еден и пол месец тешко е да се направи компарација со истиот период лани. Сепак,  податоците  укажуваат на тоа дека од јануари до 14 февруари, Владата генерирала буџетски дефицит од 141 милион евра, што е  за 34 милиони евра поголем  во однос на дефицитот остварен во текот на јануари и цел февруари, лани. Вкупни приходи        244 821 428 евра Вкупни расходи        386 103 896 евра Буџетски дефицит    141 282 468 евра Според Предизборниот финансиски извештај што го објави Министерството за финансии во согласност со Изборниот законик, со почетокот на 2014 година биле исплатени рати за нови автобуси, амбулантни возила, отштета по елементрани непогоди. Зголемени трошења во однос на лани има кај буџетската ставка за стоки и услуги, односно лани во период од два месеца биле потрошени 45,5 милиони евра, а годинава за еден и пол месец 65 милиони евра. Позначајни суми во овој период се исплатени на име субвенции, од скоро 32 милиони евра. Слично толку изнесуваат и капиталните расходи.

“Најголемо учество во категоријата  капитални расходи имаат расходите за градежни објекти кои се реализирани во  износ од 989 милиони денари. Од овој износ 240 милиони денари се исплатени за  извршени работи на Коридорот 10, а останатите се однесуваат за расходи за изградба и реконструкција на школи, здравствени установи, спортски објекти, водоводи и канализации и др. Во рамки на капиталните расходи трошоците за купување на возила реализирани се во износ од 449 милиони денари“ - пишува во Предизборниот финасиски извештај на Министерството за финасии.

Еве колку пари и за што биле потрошени и во периодот од две недели по распишување на изборите: Социјални трансфери     139,5 милиони евра Плати и надоместоци        56,0 милион евра Стоки и услуги                   65,0 милиони евра -  Договорни услуги                  46,2 милиони евра -  Комунални услуги                  8,0 милиони евра -  Патни и дневни расходи      1,3 милиони евра Штети од непогоди                  0,5 милион евра Капитални расходи              33,2 милиони евра -  рата за автобуси                7,3 милиони евра -  амбулантни возила         1,9 милиони евра Субвенции                              31,9 милиони евра Во својот извештај, Министерството за финансии констатира дека во текот на овој период, „со реализираните исплати се обезбедило нормално функционирање на работата на државните институции“

“Со ваквата реализација се обезбеди нормално функционирање на сите институции -  корисници на средствата од Буџетот и навремено сервисирање и исплата на сите законски обврски.“ - пишува во Предизборниот финансиски извештај.

По основ на камати за користени кредити и издадени државни хартии од вредност, од јануари до 14 февруари биле исплатени речиси 12 милиони евра. Според Министерството за финансии, реализацијата на приходите и расходите на Буџетот е согласно планираната динамика која и непречено се одвива согласно ликвидноста на Буџетот. Д.А.