Прилепчанец одбива на Бугарија да и продаде дел од куќата

Добивај вести на Viber

Сопственикот на дел од куќата на славниот бугарски писател Димитар Талев во Прилеп одбива да го продаде својот имот на бугарската влада. Ова го обелодени самата влада на Бугарија на последната седница,на која признава дека не може никако да го убеди сопственикот да се откаже од недвижнината и да ја продаде.

Талев е еден од најпознатите бугарски писатели, протеран од Македонија поради великобугарски шовинизам. Неговото дело епризнато и од УНЕСКо за придонес кон светската култура. Се смета за гениј на бугарската книжевност, а Бугари го посетуваат неговото родно место во Македонија.

Бугарската Влада го задолжи министерот за култура Најден Тодоров што поскоро да ја истражи можноста и ја започна постапката за купување на родната куќа на Димитар Талев во Прилеп. Околу ова се обединија министрите од кабинетот на премиерот Димитар Главчев на вчерашната седница.

„Донесена е одлука за стекнување на имотот од страна на бугарската држава уште во јуни 2023 година, но досега не се преземени конкретни дејствија. Ова е и причината што темата и формално влезе во агендата на извршната власт. Конкретна причина за одлуката на Министерскиот совет е информацијата за уривање на дел од куќата, која со години се урива и нејзината состојба е исклучително лоша.

Проблемот е што во моментот само сопственичката на 2/3 од имотот се изјаснила дека сака да го продаде нејзиниот дел, а во 2023 година цената што таа ја побарала е 100.000 евра. Но, другата 1/3 е на друг сопственик, кој категорично одбива да го продаде својот дел на бугарската држава.“, стои во објава на Владата на Бугарија.

„ Мора да се најде итно решение, да се преземат сите активности за спас на куќата на големиот бугарски писател, вклучително и дипломатски. Им должиме на нашите деца, куќата мора да се зачува, реставрира и да се претвори во музеј“, рече премиерот Димитар Главчев.