ПРИСТИГНА ОБДУКЦИСКИОТ ИЗВЕШТАЈ ЗА ДАЛИБОР ДРАГИЈЕВИЌ: Од што почина братот на убиецот на Данка?

Добивај вести на Viber

Пристигна обдукцискиот извештај за смртта на Далибор Драгијевиќ, брат на убиецот на двегодишното девојче Данка Илиќ. 

Високото јавно обвинителство во Заечар доби записник од ексхумацијата на телото на Далибор Драгијевиќ, братот на осомничениот за убиството на двегодишната Данка Илиќ, која почина во притвор.

„Извештајот од обдукцијата го изработи Институтот за судска медицина во Белград, кој ќе биде разгледан во најкраток можен рок, по што ќе се постапи согласно одредбите на законот“, соопштија од обвинителството.

Дел од медиумите во петокот објавија дека обдукцијата покажала дека од насилна смрт починал братот на Дејан Д., Далибор Д.

Тој почина на 7 април во Полициската станица во Бор. Беше осомничен дека му помогнал на својот брат да го скрие телото на девојчето.

Данка Илиќ исчезна на 26 март во Бањско поле кај српскиот град Бор. Полицијата потоа уапси двајца вработени во „Водовод“ кои признаа дека прво со возило го удриле детето, потоа еден од нив го задавил и телото го фрлиле на депонија. Но, потоа телото тие го преместувале и до ден денес не е најдено. Експерти се сомневаат дека убијците го уништиле телото на детето.