Продолжува акцијата за спас на ГТЦ од барокот

Добивај вести на Viber

Низата настани „Го сакам ГТЦ“ продолжува и утре во 20 часот кога од платформата од Градскиот трговски центар ќе се одржи јавна дискусија во која присутните ќе кажат зошто не треба да се менува ликот на објектот кој со новиот олан треба да стане барокен. На граѓанскиот форум ќе се вклучат повеќе личности од јавниот живот меќу кои веќе е најавен режисерот Александар Поповски. Организаторот, Асоцијацијата на архитекти на Македонија најави дека наместо во петок како досега, во текот на јули настаните за спас на ГТЦ ќе се одржуваат секој четврток пред објектот. За време на дискусијата ќе бидат јавно прочитани отворените писма до надлежните и ќе биде изложена и отворена за дискусија измената и дополната на Деталниот урбанистички план за Мал ринг од декември 2012година. Од Асоцијација на архитекти на Македонија порачаа дека било какви измени на вака важни објекти за историјата, културата, за функционирањето на еден град, треба да се прават многу внимателно без да се наруши основниот концепт на авторот и со задржување на неговите суштински вредности.