Добивај вести на Viber
Интернет пионерот Јаху, за прв пат во својата историја се повлекува од азиски пазар.
„Во Јужна Кореја од почетокот на декември ќе бидат запрени он-лајн услугите", изјавија од компанијата во петокот и додадоа дека Јаху сепак ќе продолжи да инвестира повеќе средства во глобалниот бизнис.
Јаху е активен во Јужна Кореја од 1997 година. Таму компанијата никогаш не успеа да им се спротивстави на локалните ривали како „NHN“, „Daum Communications“ и „SK Communications“.
Од глобален аспект Јаху се бори со внатрешните проблеми и против конкурентите како Гугл и Фејсбук. Во јули за нов извршен директор беше назначена Мариса Маер. Нејзиниот претходник Скот Томпсон беше отпуштен поради недоследности во академските квалификации и лажната автобиографија. Иако Јаху ја губи почвата под нозете, сепак компанијата има големо влијание во интернет бизнисот бидејчи над 700 милиони луѓе ги користат поштенските услуги и неговите портали.