Продолжува падот на Атинската берза
Објавено во: Балкан 04 Август, 2015 12:02
Акциите на Атинската берза рано утрово биле во пад 4,5 одсто, како последица на новата вредност на акциите на грчките банки, јавува Ројтерс.
Акциите на четирите водечки грчки банки утрово паднаа за преку 29 одсто, наведува британската агенција.
Најновата загуба на вредноста на акциите следи само ден после бележењето на рекордните загуби на Атинската берза која вчера е отворена после пет недели запрено тргување.
Кога станува збор за останатите акции на водечките европски берзи, тие на почетокот на утринското тргување евидентирале пад, при што лондонскиот индекс FTSE паднал 0,11 одсто на 6.680,85 поени, франкфуртскиот DAX 30 за 0,31 одсто на 11.408,23 поени, а парискиот CAC 40 за 0,12 одсто на 5.114,63 поени.
Главниот индекс на Атинската берза, Athex, вчера го заврши тргувањето во минус од 16,2 одсто, што е најголем регистриран некогаш пад на тој индекс, бидејќи инвеститорите реагирале на продолжувањето на неизвесноста во поглед на новиот пакет помош на Европската унија и на влошување на сотојбата на економијата на Грција, наведува Ројтерс.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
