ПРОГНОЗИТЕ ЗА ЦЕНИТЕ НА НАФТАТА СЕ МЕНУВААТ - ќе се троши помалку „црно злато“, еве како тоа ќе се одрази
Објавено во: Економија 15 Октомври, 2025 09:38
Цените на нафтата денес паднаа за речиси два проценти, при што суровата нафта Брент падна на околу 62 долари за барел, додека американската WTI нафта (West Texas Intermediate) се тргуваше по 58,3 долари, што е најниско ниво во последните пет месеци.
Главната причина за падот, според извештајот на Меѓународната агенција за енергија (IEA), е повисокиот од очекуваниот раст на понудата. Во својата најнова анализа, агенцијата ја зголеми својата проценка за глобалното производство за три милиони барели дневно во 2025 година и 2,4 милиони барели во 2026 година.
Овој тренд првенствено се припишува на зголеменото производство во рамките на алијансата ОПЕК+, како и на повисоките залихи од Соединетите Американски Држави.
Во исто време, IEA ги намали своите очекувања за раст на побарувачката - сега предвидува само околу 700.000 барели дневно за следните две години. Ова, како што се наведува, би можело да доведе до зголемување на глобалните залихи, со оглед на тоа што клучните складишта во Кина и САД веќе почнаа да бележат зголемување на обемот на сурова нафта.
Од друга страна, ОПЕК зазеде малку пооптимистички тон во својот месечен извештај, наведувајќи дека глобалната побарувачка ќе се зголеми за 1,3 милиони барели дневно оваа година, додека во 2026 година се очекува да порасне за 1,4 милиони барели.
Дополнителен притисок врз пазарот доаѓа од насоката на обновеното заострување на трговските односи меѓу САД и Кина, што негативно влијаеше врз расположението на инвеститорите и го интензивираше трендот на продажба на берзите, пишува Танјуг.
Фото: Архива* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПРЕДНОВОГОДИШНО РИПНАЛЕ ЦЕНИТЕ НА УГОСТИТЕЛСКИТЕ УСЛУГИ: Еве што покажува статистиката
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
РКЕ го намали надоместокот за мрежарина за електрична енергија
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
