Програма за поддршка на развојот на женското претприемништво
Објавено во: Мои пари 26 Ноември, 2015
На 25 ноември 2015 година во Велес беше отворен првиот модул на програмата за поддршка на развојот на женското претприемништво во Македонија насловена„Брилијантни претприемачи“. Во програмата поддржана од Амбасадите на Холандија во Македонија, Албанија и Косово ќе земат учество десет жени-претприемачи од Македонија и по пет учеснички од Албанија и Косово.
Преку три интерактивни модули во вкупно времетраење од 7 месеци, учесничките под водство на холандски експерти ќе можат да ги унапредат своите менаџерски вештини и да се запознаат со најновите трендови во модерното менаџирањенакомпании.
Првиот модул кој ќе се одвива оваа недела на локација во Велес, ќе се фокусира на идентификување на талентите на жените-претприемачи и поставување на бизнис цели кои би сакале да ги постигнат во следниот период. Секоја од учесничките ќе добие насоки и поддршка завоведување на одредена иновација за својот бизнис која би била имплементирана во времетраењето на програмата.
Во вториот дел на програмата, од 6 до 11 Март 2016 година ќе биде организиранапетдневна трговска мисија во Холандија во рамките на која жените претприемачи ќе се сретнат со потенцијални деловни партнери - жени претприемачи од Холандија и ќе стекнат нови знаењаи искуства преку организирани посети нахоландски компании кои се активни во сродни дејности и индустрии.
Оваа програма е уникатна и во делот на опсегот кој го има, бидејќи покрај првата група од дваесет учеснички, дополнително ќе бидат вклучени и 20 млади жени претприемачи кои имаат желба да започнат свој сопствен бизнис. Тие ќе добијат поддршка за осварување на својот план преку лично менторство и советувањево времетраење од 7 месеци од страна на учесниците во програмата – „Брилијантни претприемачи“.
За повеќе информации околу програмата „Брилијантни претприемачи може да контактирате со економскиот сектор на Амбасадата (sko-ea@minbuza.nl) или соЦентарот за женски права (trajkovska_jasmina@yahoo.com).