Просветниот инспектор Илиевски обвинува за одмазда, вели Заев ги штити функционерите на ДУИ
Објавено во: Македонија 04 Септември, 2019
Просветниот инспектор Ѓорги Илиевски добил решение со кое се пресраспоредува на друго работно место.
Тој е на новото работно место како советник-државен просветен инспектор за инспекциски надзор и оценување на квалитетот во воспитно-образовни институции во Скопски плански регион. Илиевски повеќе не е виш инспектор за високо образование, откако комисија за водење дисциплинска постапка за дисциплински престап во Државниот просветен инспекторат предложи, а директорот Томе Спировски донесе решение за распоредување и определување плата на државен службеник.
Илиевски кој откри дека тројца функционери на ДУИ, министерот за образование Арбр Адеми, заменикот министер за внатрешни Агим Нухиу и директорот на Државниот завод за индустриска сопственост Сафет Емрули, против законски се стекнале со повисоки наставно – научни звања, утрово добил решение со кое се пресраспоредува на друго работно место.
Тој обвинува дека се работи за одмазда и дека наместо надлежните институции да постапат по неговите наоѓања тие се пресметуваат со него. Го обвини и премиерот Зоран Заев дека ги штити функционерите.