ПРОТЕСТ ПРОТИВ ЗАГАДУВАЊЕ: ДОМ бара средба со менаџментите на „Макстил“ и „Југохром“

Добивај вести на Viber

Средби со менаџментите на двете компании - големи загадувачи „Макстил“ и „Југохром“ јавно бара Демократската обнова на Македонија (ДОМ). Од Зелената партија тврдат дека ова се единствените две компании во Македонија кои не прифаќаат еколошки дијалог и не го извршиле еколошкото прилагодување. На нив не делуваат ни изречените казни, ни апелите на граѓаните и продолжуваат со загадување, правејќи профит врз здравјето на сите граѓани, велат од ДОМ. „ДОМ бара средба со менџментот на овие фирми, во присуство на невладини организации и граѓани, за да се соочат аргументите и да се излезе од зачадениот тунел. Доколку, пак, продолжи нивниот арогантен однос, ДОМ бара Инспекторатот за животна средина да изрече забрана за работење. Загадувачите што не сакаа навремено да вложат во свое еколошко прилагодување, треба сега да сопрат со работењето и да не спасат од ерупциите на отровни материи“, стои во писменото соопштение на партијата. Граѓаните од скопската населба Железара за попладнево закажаа протест во знак на револт заради згадувањето што го трпат од фабриката „Макстил“. За својот протест се организираат на социјалните мрежи, велат дека животот во Железара и околните населби е неподнослив и оти во летниот период не можат да ги отворат прозорците. „Покрај тоа што објавија дека Фабриката поточно "Макстил“ ќе прекине да работи на одредено време, деновиве е позагадено од секогаш. Можеби нè сметаат за слепи будали и ова го прават со намера. Да покажеме дека не сме до толку жалосни и да пружиме барем најмал отпор! ПРОТЕСТ СО БЛОКИРАЊЕ НА ГЛАВНИОТ ВЛЕЗ!!!ФИЛТРИ ВЕДНАШ!!!“, повикуваат незадоволните граѓани на Фејсбук.