Протест во Лакавичкиот крај против изградба на фабрика за рециклирање на гуми
Објавено во: Економија 19 Мај, 2013
Жители на штипското село Долани и сопственици на викенд куќи денеска го блокираат магистралниот пат Штип - Радовиш, протестирајќи против изградбата на фабрика за топење на гуми.
Според претседателот на месната заедница на село Долани, Љупчо Ангелов, оваа фабрика може да го загрози бунарскиот систем од кој вода за пиење добиваат жителите на селата Долани и Драгоево, а во овој регион се произведуваат и органски земјоделски производи.
Сопствениците на викенд куќите велат дека не се против изградба на фабрика, но бараат соодветна локација, односно таа да се изгради во рамките на некоја индустриска зона.
Директорот на Државниот инспекторат за животна средина Фирус Мемед изјави дека сопствениците на најавената фабрика за рециклирање на гуми нема да ги добијат потребните дозволи, бидејќи фабриката може да ги загрози бунарите за вода за пиење, а во непосредна близина се наоѓаат и мини фарма за сончеви колектори и фабрика за преработка на овошје и зеленчук.
- Мислам дека намерата на стопанствениците да изградат една таква фабрика нема да помине, затоа што се работи за еколошка здрава средина, има земјоделски производители кои произведуваат органско пропизводство, а во близина има исто така и фабриката за преработка на зеленчук и овошје, истакнува Мемед.
Жителите на викенд куќите и на селото Долани најавија дека доколку во Лакавичкиот регион се гради фабриката за топење на гуми, ќе ги радикализираат протестите.
Можеби ќе ве интересира
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
АРХИТЕКТОНСКО ЧУДО КОЕ ГО ИМПРЕСИОНИРА СВЕТОТ ВЕЌЕ 24 ГОДИНИ: Мост кој се претвора во подводен тунел и излегува во друга земја
