Прв ден генералка во Скопје: „легна“ и првата кривична пријава за Бутелчанец
Објавено во: Македонија 26 Јули, 2019
На првиот ден на големата генералка во главниот град е напишана и првата кривична пријава за неовластено фрлање на смет поради силниот надзор кој паралено со акцијата се одвива во скопските општини Кисела Вода, Центар, Карпош, Ѓорче Петров и Сарај.
Според соопштението на град Скопје кривична заработило лице од Бутел кое било затекнато на лице место како неовластено фрла смет.
Имено акцијата која опфаќа масовно чистење во кое се вклучени сите технички и човечки потенцијали на градот и на јавните градски претпријатија, помогнати од општините .
Надлежните се децидни дека нема да има компромис со никој кога се работи за чистотата во Скопје
-За чистотата во нашиот град ќе се грижиме сите заедно, зашто сите
заслужуваме да живееме во многу поубаво и почисто Скопје – кажа Шилегов.
Имено со акцијата се чистат дивите депонии, се кастрат дрвја но и се метат и мијат улиците а најавено е дека ќе се чисти Усјанскиот канал.