„ПРВАТА ДАМА НА СРБИЈА Е МОДЕН ТРЕНДСЕТЕР, А ВУЧИЌ АПОСТОЛ НА СКРОМНОСТА“: Тамара Вучиќ живее луксузен живот во сиромашна Србија

Добивај вести на Viber

Првата дама на Србија, Тамара Вучиќ, сопругата на претседателот на Александар Вучиќ, последните недели е се поактивна во општествениот живот, а своите активности редовно ги промовира на социјалната мрежа Инстаграм, пишуваат српските медиуми упатувајќи бројни критики и коментари за нејзиниот прескап стил.

Така на социјалните мрежи се пофали со фото едиторијалот што и го направила во Париз. Го промовираше својот омилен дизајнер, а во француската престолнина покажа скапа тоалета во која гопомина времето на Модната недела.

Покрај ревиите, првата дама на Србија беше активна и во изборот на мирисната нота за првиот национален парфем „Мирисот на јоргован“ што треба да го изработи, како што истакна најстариот француски производител на парфеми.

Во изминатите недели таа беше во посета на Кина, каде го придружуваше нејзиниот сопруг и во Египет, каде што учествуваше на повеќе меѓународни настани кои се однесуваат на жените претприемачи, како и на африканско-азиската економска соработка.

Според дипломатот Сречко Ѓукиќ, станува збор за потребата да се претстави во јавноста како посебен субјект.

„Јасно е дека кога е на позицијата на која е тоа не може без политика. Но тука не е во улога на слободен стрелец, тоа е личност која го одредува сопствениот имиџ“, изјави Ѓукиќ за N1.

„Се појавува во светот на високата мода или ексклузивни места, промовира дизајнери... Лично, таа може да учествува во вакви активности, но како сопруга на претседателот, не баш. Посебно во држава во која има милион проблеми. Гладни, жедни, боси, држава во која секоја недела се случува фемицид. Децата страдаат на различни начини. Поради ова, мислам дека таа попрво треба да биде посветена на улогата на некој како Мајка Тереза, а не да биде прва личност во џет-сетерското општество“.

View this post on Instagram

A post shared by Tamara Vučić (@tamara.vucic.serbia)

Н1 наведува дека на нејзиниот профил се гледа луксуз, висока мода, парфеми, патувања... кои многумина во јавниот живот ги сметаат за непримерни со оглед на животниот стандард на граѓаните на Србија, чиј лидер е нејзиниот сопруг Александар Вучиќ.

Главниот уредник на Данас, Драгољуб Петровиќ, вели дека, иако претседателот Вучиќ се претставува како апостол на скромноста, првата дама на Србија во јавноста промовира нешто неспоиво со скромноста – луксузен живот и луксузна облека.

„Претседателот вели дека се облекува од некој фонд што никој досега не го видел, па се претпоставува дека и неговата сопруга има некаков фонд на скапи модни креации за кои сопругите на неговите избирачи можат само да сонуваат. Би било добро да се знае како г-ѓа Вучиќ ја финансира улогата на моден трендсетер, за да се отстрани секој сомнеж. Затоа што додека половина Србија се облекува во продавници за втора рака, со своите објави на Инстаграм во скапи креации, таа остава впечаток на прва дама на богата и успешна земја, што Србија секако не е“, оценува Петровиќ за Н 1.

Според него, луксузот на Тамара Вучиќ лесно може да му дојде „преку глава“ на „најскромниот“ претседател во поновата историја бидејќи не оди со сликата што сака да им ја прикаже на сиромашните луѓе на кои им се обраќа.

„Додека луѓето намоткуваат кабли за минималец, некои очигледно живеат многу добро и трупаат големи пари“, вели уредникот на Данас.

Според новинарот на Дојче Веле, Немања Рујевиќ Тамара не „промовира луксузен живот во сиромашна Србија“, туку таа само го живее.

„Погледнете ги јакните, чевлите и винарските визби на Вучиќ, црните фондови на владејачката партија, погледнете го имотот на министерот Мали, видете каде угледните функционери ги школуваат своите деца иако во имотната книшка немаат ништо друго освен илјада евра плата. погледнете го возниот парк што го имаат кумовите на Вучиќ и таканаречените матни бизнисмени - тоа е вистинска кражба и навреда за сиромашните во Србија“, забележува Рујевиќ за N1.