Пуштен патот до манастирот „Трескавец“
Објавено во: Македонија 28 Август, 2013
На големиот христијански празник Успение на пресвета Богородца, манастирот „Трескавец“ чии конаци изгореа на почетокот на Февруари доби асфалтиран пат до манастирскиот комплекс.
За изградба на 7,5 километарскиот пат државата обезбеди 1,4 милиони евра.
Дополнително комплетирана е и финасиската конструкција од 1,3 милиони евра за целосна санација на опожарените конаци.
Изградбата на патот до манастирскиот комплекс ќе го олесни пристапот, но и според очекувањата треба да ја зголеми посетеноста на овој манастирски комплекс кој има исклучителни историско значење.
Пожарот во манастирот „Трескавец“ избувна на 4 Февруари оваа година. Како последица од запалените наталожени саѓи во нечист и неиправен оџачарски канал, целосно изгореа сите 4 конаци додека црквата беше спасена.
Поради непристапноста на теренот и недовршениот пат до манастирскиот комплекс не можеа да стигнат пожарникарските возила па затоа беа ангажирани армиските хеликоптери како и граѓаните кои на сопствена воља со теренски возила се искачија до манастирот и учествуваа во гаснењето на пожарот.