Путин планирал убиство на украинското раководство или се надевал дека ќе избегаат од Украина

Добивај вести на Viber

Рускиот претседател Владимир Путин планирал за 10 дена да ја заземе Украина, а тајните планови биле специјалните служби да го убијат украинското раководство. 

Британскиот истражувачки центар за одбрана и безбедност открил наводни детали за московскиот план. Тврдат дека имаат запленети руски документи на кои стоел потписот на Путин. Истражувачкиот центар наведува дека дури ни замениците шефови во руската војска не знаеле за планот за инвазија и окупација на Украина се до неколку дена пред почетокот на инвазијата. 

Русија планирала да ја заземе Украина во рок од 10 дена и да ја присоедини до август оваа година, објави Кралскиот институт на обединетите служби за одбранбени и безбедносни студии.

Русија планирала да ги заземе украинските електрани, аеродроми, водоснабдувањето, Централната банка и Парламентот.  Русите претпоставуваат дека службениците на украинската влада или ќе побегнат или ќе бидат заробени поради брзината на инвазијата. 

Украинската разузнавачка заедница исто така верува дека Русија планирала да ги употреби белоруските воздухопловни единици за заземање на нуклеарните електрани Ривне и Хмељницки.

Имало листа на Украинци и тоа на оние кои треба да ги убијат, оние кои треба да ги заплашат, оние кои се сметаат за неутрални и кои треба да се поттикнат на соработка и оние кои се подготвени да соработуваат.

Службениците планирале да ги регистрираат жителите преку одење од врата до врата и кампови за филтрирање.

Сепак, украинското раководство не избега надвор од земјата. Напротив, бараа оружје за да се одбранат од руската агресија. Како што објави украинската страна, украинскиот претседател Володимир Зеленски избегнал неколку обиди за атентати. Војната почна на 24 февруари и уште трае. 

„Крвави пакети“ со животински очи биле испратени до голем број украински странски амбасади, соопштија властите во Киев, а пренесува Скај њуз.