Добивај вести на Viber
Рускиот претседател Владимир Путин за два дена треба да допатува во Србија, каде што ќе присуствува на воената парада во чест на ословодувањето на Белград.
Подготовките во Србија за пречек на високиот гостин се во полн ек. Граѓаните од утрово добија препораки - на покривите на повисоките згради ќе има снајперисти, кои ќе се грижат за безбедноста на рускиот претседател, а по линијата на неговото движење ќе се затвораат шахтите и ќе се отстрануваат сите автомобили.
Граѓаните кои живеаат во места по кои ќе поминува колоната не смеат да ги отвораат прозорците и мора да ги спуштат ролетните. Освен ова на терасите не смеат да сушат облека.
Уште низ воздушниот простор на Србија, авионот со позлата и дијаманти на Путин, вреден 150 милиони евра, ќе го следат српски авиони МИГ, а за тоа време српското небо ќе биде затворено за други авиони.
Според обезбедувањето, рускиот претседател воопшто не е лесен за обезбедување, бидејќи важи за „човек кој сака со сите да се ракува“.
Ручекот на Путин ќе му биде послужен во садови специјално направени пред 40 години за Јосип Броз Тито. Српскиот претседател Томислав Николиќ на својот гостин ќе му подари некаков подарок, но тоа нема да биде неговата домашна ракија, како што претходно се претпоставуваше.
Посетата на Путин во Белград ќе трае неколку часа, а за тоа време, освен учеството на најголемата воена парада во Србија од 1985 година, тој ќе го посети и Меморијалниот комплекс Руските спомен гробишта и Гробиштата на ослободителите на Белград.
Освен со Николиќ, ќе остваири средба со рускиот премиер Александар Вучиќ, со кој е предвидено потпишување и на седум спогодби.