РАБОТА ОД СОНИШТАТА: Нудат 6000 евра плата
Објавено во: Финансии 13 Март, 2018
„Леголенд центарот“ во Бирмингем, Велика Британија, бара мајстор градител, кој ќе игра со коцките, а притоа ќе добива плата од 6.000 евра месечно.
За оваа работна позиција се пријавиле 5.000 кандидати, но само еден ќе ја добие работата.
„Сакате ‘лего’ и имате доволно магија во себе за да им подготвите на децата незаборавни искуства со нови модели? Сакате да ширите радост и задоволство околу себе? Пријавете се и приклучете се на тимот во ‘Леголенд центарот’“- се вели во огласот за вработување.
Кандидатот кој ќе биде ангажиран, работното време ќе го поминува во сложување на коцките и правење градби во ‘Лего центарот’ за истражување во Бирмингем.