„РАБОТНИЦИТЕ ВО МАКЕДОНИЈА СЕ СООЧУВААТ СО НИСКИ ПЛАТИ“: ССМ вели заради нив има сиромаштија и масовна миграција
Објавено во: Економија 07 Октомври, 2025 12:32
Нема достоинствена работа без достоинствени плати кои ќе ги задоволат реалните егзистенцијални потреби на работниците и нивните семејства, порачува Сојузот на синдикати на Македонија по повод 7 Октомври - Светскиот ден на достоинствената работа.
Од ССМ укажуваат дека платите во државата значително заостануваат зад реалните животни трошоци, дека според нив, истите создаваат сиромаштија, поттикнуваат масовна миграција и дека затоа нивното зголемувањето е неопходно и итно.
- Работниците во Македонија се соочуваат со ниски плати, со несигурни работни места и се соочуваат со ограничено учество во процесите на одлучување.
Затоа ССМ бара социјален договор и дијалог кој ќе обезбеди фер можности и социјална сигурност, почитување и заштита на работничките права, институции што работат во интерес на работниците и граѓаните и институции кои нема да бидат под влијание на корупција и дневните политики, велат од ССМ.
Според ССМ, рестриктивните мерки, штедењето, стагнација на платите, пензиите и другите приходи на работниците и граѓаните во услови на инфлација и пораст на цените на основните животни продукти ја поттикнуваат сиромаштијата и ја намалуваат куповната моќ.
- Нема достоинствена работа без реални, одржливи и сигурни работни места, со договори за работа на неопределено време. Не се согласуваме со привремените и повремените работни ангажмани со минимална заработувачка, без платени придонеси и без никаква социјална заштита и сигурност со што се залагаме за мерки и активности за сузбивање на сивата економија и непријавената работа, нагласува ССМ.
Оттаму посочуваат дека достоинствена работа за сите може да се постигне доколку заедно социјалните партнери, синдикатите, работодавачите, Владата, невладиниот сектор, експертската и стручна јавност се обединат и ефикасно ги реализираат заеднички креираните активности во насока на развој на економските и општествените односи, но и со целосно почитување на работничките и граѓанските права.
Можеби ќе ве интересира
НАЈМНОГУ НОВИ ОБЈЕКТИ ЌЕ НИКНАТ ВО ПОЛОШКИОТ РЕГИОН - нов раст на бројот на одобренијата за градба
ТУРЦИТЕ ПОВТОРНО ЈА „ОСВОЈУВААТ“ МАКЕДОНИЈА - убедливо најголем број туристи во септември пристигнаа од Турција
Позната минималната сума за оваа година: До крајот на 2025 исплата на К-15
ИСПЛАТИТЕ ОД ИПАРД 3, НЕ МОЖЕ ДА ГИ СТОПИРА ПРЕТСЕДАТЕЛ НА ВЛАДА: СДСМ открива дека тоа го прави НОА, за да ги заштити средствата
„КОСТАЛ“ СО НОВА ИНВЕСТИЦИЈА ОД 30 МИЛИОНИ ЕВРА - идната година со поголемо портфолио и 200 нови работници
„ИМА ДА ОДГОВАРААТ СИТЕ, ОД ПРВ ДО ПОСЛЕДЕН“: Мицкоски вели дека лично побарал да се сопрат средствата од ИПАРД фондовите
БАФЕТ ДОНЕСЕ ТЕШКА ОДЛУКА: „Веќе нема да пишувам писма, ниту да зборувам на годишниот состанок на компанијата“
„ОД ПРВИ ЈАНУАРИ, ПРЕМИНУВАМЕ НА ЕВРО“: Наскоро и официјално почнува транзицијата на Бугарија кон единствената европска валута
Колку заработи новиот градоначалник на Крушево од бизнисот со познатиот крушевски локум?
