Работниците во прехранбената индустрија на прва борбена линија
Објавено во: Свет, Корона Вирус 15 Април, 2020
Нема никакво сомнение дека здравствените работници се
херои во борбата против коронавирусот.
Но, сепак, признание треба да се оддаде и на вработените во прехранбената индустрија со оглед на фактот дека многумина од нив, исто така се на првата линија на таа борба.
Поради одржување на ланецот на снабдување со храна, неопходно е да се заштити здравјето на работниците во производството, дистрибуцијата и продажбата на храна. Дополнителен проблем сега претставува пронаоѓање пат до потрошувачите, со оглед дека многу од вообичаените купувачи, како рестораните, кантините, училишните мензи и другите објекти, ги имаат затворено своите врати поради пандемијата.
Токму поради тоа што ланецот на снабдување е пореметен, се случува земјоделските производители во САД да фрлаат храна, додека, од друга страна побарувачката за храна вртоглаво расте – поради масовните отпуштања предизвикани од пандемијата, редовите пред банките за храна, пред добротворните организации кои помагаат на материјално загрозените, се сѐ подолги, наведува CNN.
Том Вилсак, кој во време на администрацијата на поранешниот американски претседател Барак Обама, беше на должност министер за земјоделие, поради тоа вели дека државата би требало да ја откупува храната од производителите и да ја дава на банките за храна.
Исто така, во САД опадна и бројот на берачи на фармите – многумина од нив и порано живееја и работеа во страв од депортација, а сега стравуваат и од заразување со коронавирусот, па во помал број доаѓаат на работа.
Сепак, моменталната ситуација не ги погодува само САД, и Обединетите нации предупредија на опасноста која ја претставува пандемијата за глобалниот ланец на снабдување со храна, поради затворање на границите, ограничување на движењето и пореметување во функционирањето на авионскиот и бродскиот транспорт.
Поради тоа, како што се наведува во еден извештај на ОН, земјите со мал број алтернативни извори на храна се изложени на висок ризик, а гигантите во прехранбената индустрија, исто така предупредија на опасност од криза во областа на исхраната, истакнувајќи го меѓународниот карактер на ланецот на снабдување, пренесува CNN.
Извор: https://www.b92.net/biz/vesti/svet.php?yyyy=2020&mm=04&dd=14&nav_id=1675260
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ИРАК E ВО ПАНИКА: Дали Израел се подготвува за напад и на Багдад?
ЗЕЛЕНСКИ – „НА ПОВИДОК Е КРАЈОТ НА ВОЈНАТА“: Еве кога ќе заврши според него
ПОЛОВИНА ЕВРОПА ПОД СНЕЖНО НЕВРЕМЕ: Завеани камиони на патиштата, повредени луѓе низ градовите, прекини во сообраќајот....
РАЗЛИКИ МЕЃУ ХИПЕРСОНИЧНАТА И ИНТЕРКОНТИНЕНТАЛНАТА БАЛИСТИЧКА РАКЕТА: Една е клучна
ВОЕНИОТ СОВЕТНИК НА ТРАМП – ЗАПАДОТ СЕ СООЧУВА СО НАЈГОЛЕМАТА ЗАКАНА ОД 1945: Генералот Кин ја анализира ситуацијата
„ЌЕ ГО ТЕСТИРАМЕ ИСКЛУЧИВО ВО БОРБА“, базата во Полска е приоритетна цел на Русија
ГЕРМАНИЈА ИМ ДАВА ПАРИ НА МИГРАНТИТЕ ДА ЈА НАПУШТАТ ЗЕМЈАТА: „Одбиени им се барањата за азил, треба доброволно да заминат“
ДАЛИ ГРЕНЕЛ ЌЕ ЈА ДОБИЕ НАЈЗНАЧАЈНАТА УЛОГА, ПРОТЕКОА ИНФОРМАЦИИ: Најверојатно тој ќе треба да ја „реши“ војната Русија-Украина
СЕВЕРНОКОРЕЈЦИТЕ ПРИСТИГНАА ВО МАРИУПОЛ: Овие војници имаат одвоено сместување, храна, музика и филмови од другите странски трупи
