Работник во Подравка украл половина тон „Вегета“

Добивај вести на Viber

Работникот во Подравка, Френсис Ловашиќ беше осуден на 10 месеци затвор или условно на две години, бидејќи за три години украл скоро половина тон Вегета, пишува Вечерњи лист. Судот утврди дека работникот од март 2010 година до февруари годинава успеал да украде 419,5 килограми, Вегета, 329 пакети на зачини „Фант", 64 коцки за супа, 43 пудинга и 1,5 килограм бибер. Тој пред судот реше дека се кае за кражбата, но животната состојба го принудила на тоа, објави веб страната „podravski.hr“. „Пред осум години се разведов со поранешната сопруга на развод и дојде до поделба на имотот. Имавме убава куќа, останав без неа, морав да земам кредит за да го платам судот, бев притиснат од сите страни. Бев принудена да крадам за да плаќам за станбениот кредит“, рече Ловашиќ. Тој вели дека знае оти со ова повредил многу луѓе, особено колегите во Подравка. "Јас ја признав вината, ги молев шефовите да не ме избркаат од работа, да ми кратат од плата секој месец, само за да можам да си купам леб и млеко, но ништо не помогна", рече тој, додавајќи дека ваква нешто никогаш не би повторил.