Раст на Грција за крајот на годината
Објавено во: Економија 13 Февруари, 2015
Економијата на Грција во четвртото миниатогодишно тромесечие пораснала за 1,7 одсто на годишно ниво, соопштува грчката агенција за статистика.
Станува збор за последователен квартален раст на грчкиот БДП, после растот од 0,4 одсто од вториот и од 1,6 одсто од третиот минатогодишен квартал, се додава во соопштението на агенцијата, пренесува Франс прес.
Економијата на Грција меѓутоа, во период септември-декември 2014 регистрирала негативен економски раст од 0,2 одсто, во однос на растот од 0,7 одсто од претходниот квартал.
Според пресметките на француската агенција Франс прес, економијата на Грција во целата мината година остварила раст од 0,8 одсто, што е над прогнозите на грчкото министерство за финансии од 0,6 одсто.