Раст на инфлацијата во Хрватска, највисок по кризната 2008-ма

Добивај вести на Viber

Според последните податоци на Државниот завод за статистика , во Хрватска има пораст на потрошувачките цени во септември за дури 5%  на годишно ниво (или 4,0% во август), што е највисока стапка на раст од октомври 2008 година,  додека на месечно ниво порастот е 1,4%. Растот на потрошувачките цени е резултат на повисоки цени за енергија и храна. Во потрошувачката кошница индексот на цените на храна, домување, вода, електрика, гас и други горива опфаќа за повеќе од 42 проценти. Потрошувачките цени со исклучок на енергијата се зголемени за 2,9% на годишно ниво, а ако од индексот се тргнат и цените на храната, тогач зголемувањето изнесува 1,5 отсто. Во делот на цените на храната, најголемо поскапување има кај  овошјето (18,2 отсто) и зеленчукот (25,1 отсто), што веројатно се должи на сушниот период. Во категоријата домување, вода, електрика, гас и други горива годишна стапка на раст на потрошувачките цени е малку интензивирана во август или 13,5 отсто, со удел од вкупниот индекс од 15,7%.  Во оваа категорија на висока годишна стапка на раст има во цените на електричната енергија (22,1 отсто) и природниот  гас (30,5 отсто), додека  годишната стапка на раст за електрична енергија е иста како во август, додека цените на бензинот растат. Растат цените и на снабдувањето со вода 3,7 проценти и канализација 7 проценти. На месечно ниво,за растот на потрошувачките цени најмногу придонесува поскапувањето на  облеката и обувките за 11,2 отсто, што е вообичаен сезонски трендо. Зголемувањето на стапката на ДДВ, поскапувањето на електрична енергија и гасот и повисоки цени на прехранбените производи ќе се одразат на годишната стапка на раст на потрошувачките цени. До крајот на годината, аналитичарите очекуваат поскапување на греењето, со што и годишната стапка на раст може да биде поголема од предвидената.