Расте бројот на барањата за помош за невработени во САД

Добивај вести на Viber

Бројот на Американците, кои поднеле првични барања за помош за невработени во САД, бележи остар скок минатата недела и покрај податоците за намалување на невработеноста, објавени во истиот период. Според агенцијата Ројтерс, повикувајќи се на податоци на американското Министерство за труд и покрај падот на невработеноста, пазарот на труд сеуште покажува слабо заздравување. Барањата се зголемија за 46 000 и стигнаа до 388 000. Повеќето економисти сметаат дека показател под 400 000 , сепак покажува подобрување на пазарот на трудот. „Подобрувањето на пазарот на трудот ќе остане бавно и нерамномерно", изјави Џозеф Тревисани, пазарен стратег во „Worldwide Markets“ во Удклиф Лејк, во државата Њу Џерси. Податоците за претходната недела беа прилагодени кон раст до 342 000 молби од првично најавените 339 000. Тогаш тоа беше необичен пад од цели 30 000 молби, но претставник на Министерството за труд објави дека најверојатно бројките се „лошо презентирани“. Показателот за последните 4 недели, сепак, е 13 000 молби понизок во однос на истата недела на септември. „Навистина се чини дека пазарот на труд се подобрува, барем во тој поглед", изјави Пјер Елис, економист во „Decision Economics“ во Њујорк.