Реформи во Индија, привлекува странски инвеститори

Добивај вести на Viber

Индискиот главен индекс забележа пораст од 22% од почетокот на годината и е најдобар меѓу пазарите во развој. Сепак треба да се внимава, препорачуваат аналитичарите. Доброто претставување на индискиот индекс во текот на оваа година се смета дека е резултат на повлекувањето индиски средства од странските партнери и тоа во нето вредност од 18 милијарди долари. И додека голем број фондови и аналитичари препорачуваат и спроведуваат штедење, светски познатиот инвеститор, Марк Мобиус ги зголемува своите средства во Индија, поздравувајќи ги напорите на Премиерот на земјата да ја направи индиската економија отворена кон светот. „Индија минува низ процес на реформи, која обезбедува голем број можности", коментира Мобиус, цитиран од Блумберг.  Водечкиот индекс во земјата е со однос цена-добивка од 16 и е највисок меѓу земјите кои влегуваат во „BRIC“-групата, по Бразил. Актуелниот премиер на земјата ги намали корпоративните даноци и најави планови за отворање на трговскиотот и воздухопловниот сектор кон странските инвеститори. Инфлацијата во Индија се забрза до 7.81% во септември, што е највисоко ниво меѓу земјите од „BRIC“ и над проценката на централната банка од 5%. Буџетскиот дефицит на земјата може да достигне 6% од БДП до март 2013 година, што повторно е над владината цел од 5.1%. Аналитичарите ги намалија прогнозите за профитот на индиските компании со 1.4% од јуни годинава.