Рекорд: Грците повлекоа од банките 600 милиони евра
Објавено во: Балкан, Економија 15 Јуни, 2015 21:56
Грците денес поставија апсолутен рекорд за повлекување на пари од банкарските сметки, објави грчкиот електронски портал "Репортер", пренесуваат локални грчки медиуми.
Тие прецизираат дека до затворањето на банките во Грција од сметките биле повлечени околу 600 милиони евра. Тоа е 2,5 пати повеќе од износите повлечени во петокот. Изворите на порталот не можеле да го проценат износот што ќе биде повлечен од банкоматите по затворањето на банките.
Слична нервоза на штедачите се објаснува со неуспехот на преговорите на грчката влада со доверителите, кои се одржаа на 13 и 14 јуни во Брисел.
Како што објавија во Еврокомисијата, во текот на преговорите беше постигнат одреден напредок, но тие беа неуспешни, бидејќи продолжува да се задржува големината на јазот меѓу предлозите на грчката влада и општите барања на ЕК, Европската централна банка и Меѓународниот монетарен фонд за околу 2 милијарди евра буџетско штедење годишно или околу 0,5-1 проценти од бруто домашниот производ.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
