Рекорден скок на населението на Германија

Добивај вести на Viber

Диктирано од зголемениот број на новодојдените странци населението на Германија се зголеми за 430 илјади до 81,2 милиони луѓе во 2014 година - најголемо регистрирано зголемување од 1992 година. Податоците се претставени од германската служба за статистика, пренесе Ројтерс.

Германското јавно мислење е разединетo во однос на зголемениот број имигранти, бидејќи некои топло ги поздравија избеганите луѓе од конфликтите на Блискиот Исток и Африка, а други се загрижени како лесно новодојденците можат да бидат интегрирани.

Според бизнисот и владата миграцијата може да помогне против негативните ефекти од постарото население и да го стимулира германскиот пазар на труд.

Вкупно 7,5 милиони странци живеат во најнаселената држава во Европа, покажуваат податоците од 2014 година. Странци биле 9,3% од вкупното население на Германија кон крајот на 2014 година. Во 2013 година беа 8,7%.

Овие бројки не ги одразуваат овогодинешниот рекорден прилив на бегалци и имигранти. Берлин очекува да пристигнат 800 илјади луѓе до крајот на 2015 година и до сега се одобрени речиси 40% од сите поднесени барања за азил во тековната година.

Според институтот IAB невработеноста може да се зголеми следната година поради големиот број бегалци.

За последен пат Германија усвои толку многу странци во 1992 година, кога голем број бегалци избегаа од конфликтите во поранешна Југославија.

Истражувања покажуваат дека населението на Германија ќе се стопи до 73,1 милиони луѓе до 2060 година и покрај високите нивоа на имиграција што ќе биде предизвикано од стареењето на населението и ниска стапка на наталитет.