Рекордна стапка на невработеност во Хрватска во последните 10 години
Објавено во: Балкан 21 Февруари, 2013
Стапката на невработеност во Хрватска во јануари достигна 21,9% што преставува највисоко ниво регистрирано во последните 10 години. Ова го покажуваат последните објавени податоци од Државниот завод за статистика на Хрватска.
Во декември минатата година стапката на невработеност изнесувала 21,1%, а нејзиниот натамиошен раст бил очекуван, бидејќи, според податоците на Хрватскиот завод за вработување, кон крајот на јанаури биле регистрирани околу 372.000 невработени лица, 3,8% или 13.800 лица повеќе отколку еден месец претходно.
Скокот на стапката на невработеност на највиското ниво од јули 2002 година, кога изнесуваше 22 отсто, е последица на долгогодишната рецесија, стечаите или реструктурирањето на многу фирми, но и на структурните проблеми, односно неусогласеноста на понудата и побарувачката на пазарот на трудот, наведуваат аналитичарите во анкетата на агенцијата Хина