Реобјавени фотографии од бизарната венчавка на Захарова за нејзиниот 47-ми роденден

Добивај вести на Viber

Марија Захарова, портпаролката на руското Министерство за надворешни работи и лојална асистентка на рускиот претседател Владимир Путин, вчера го прослави својот 47 роденден, а на социјалните мрежи повторно се шират фотографии од нејзината прилично чудна венчавка.

Свадбата се одржа во 2005 година, немаше гости, но во позадина се гледа портрет на Владимир Путин. Захарова пред неколку години на својот Фејсбук профил сподели свадбена фотографија по повод годишнината. Но, тогаш таа објави само своја портрет фотографија.

Неколку дена подоцна, фотографот Николај Комисаров, кој Захарова го вработила затоа што бил вработен во рускиот конзулат во Њујорк, ги објавил преостанатите фотографии бидејќи сметал дека тоа му е дозволено. Но, подоцна изјави дека Захарова дури и му се заканувала поради објавените фотографии.

Нејзините свадбени фотографии се прилично вулгарни. Невестата носи кратка бела венчаница, бели чорапи и долги ракавици.  Нејзиниот сопруг е бизнисменот Андреј Захаров. Тие се венчаа на 7 ноември 2005 година во Њујорк, каде што тогаш беше вработена Захарова. Свадбата е фотографирана во рускиот конзулат, па во позадина на фотографиите се гледа портретот на рускиот претседател Путин.

Захарова тогаш изјави дека нејзиниот партнер не живее во САД, туку дошол за венчавката. Захарови денес ја имаат ќерката Маријана која е родена во 2010 година.

Марија Владимировна Захарова од 2015 година е портпаролка на руското Министерство за надворешни работи. Таа е позната по тоа што постојано го критикува НАТО.

Таа неколку дена пред почетокот на инвазијата ги исмеа западните медиуми кои објавија дека Русија се подготвува за војна со Украина. Таа со потсмев праша кога Русија ќе нападне за да знае кога да го испланира својот годишен одмор.

Еден ден пред инвазијата, Европската унија ја нарече централна фигура на руската пропаганда, бидејќи јавно го охрабруваше нападот врз Украина. Заедно со некои други истакнати медиумски личности, таа беше ставена на списокот на лица на кои им е забранет влез во земјите на ЕУ и им беше замрзнат целиот имот.