РЕПЛИКИ И КОНТРАРЕПЛИКИ: Пратениците од ВМРО ДПМНЕ и денес „пеат иста песна“
Објавено во: Македонија 29 Март, 2017
Продолжува циркусот во Собрание.
Наместо пратениците да се фатат за сериозна дебата и да ги решаваат точките од дневниот ред, претставниците од владеачката партија ВМРО ДПМНЕ и денеска си водат реплики и контрареплики испечатени на хартија.
Конститутивната седница денеска почна во 11 часот и истата се одвива главно помеѓу пратениците од ВМРО-ДПМНЕ или од коалиционите партнери. И покрај повикот на спикерот Вељаноски тие продолжија трет ден по ред да „пеат иста песна“.
Реагираа од СДСМ откаде што обвинија дека тир дена најгрубо се крши деловникот за работа во Собранието.
Пратеникот Максим Димитриевски од партијата на Заев го повика претседавачот да го почитува деловникот да не мора пратениците од новото парламентарно мнозинство да наоѓаат нов начин и алтернатива како на ова да му најдеат крај.