Добивај вести на Viber
Витор Гаспар, министерот за финансии на Португалија, потврди дека просечната стапка на данок во земјата ќе се зголеми од 9,8% колку што изнесува сега на 13,2% во следната година. Според него, буџетот е единствениот начин земјата да ги исполни своите цели во рамките на помошта што ја доби од ЕУ. Португалија доби 78 милијарди евра помош за покривање на долгот. Најавено е и намалување на трошоците во вредност од 2.7 милијарди евра за следната година, што ќе резултира со откази за 2% вработени од јавниот сектор. Министерот пред пратениците изјави дека буџетот ќе им овозможи на Португалија да го намали својот буџетски дефицит до 4,5% во 2013 година, така да до крајот на следната година мора да добие дефицит од 3% од БДП. Оваа земја веќе подолг период се соочува со најлошата рецесија од 1970, со стапка на невработеност од над 15%, а се предвидува таа да се зголеми на 16,4% следната година. Од 2013 ќе се воведе и еднократен данок на добивка од 4% за сите работници, а капитални добивки ќе се зголемат од 25% до 28%. Новата состојба на буџетот ги налути португалците, околу 2.000 демонстранти се собраа пред парламентот за да побараат оставка на владата.